لا للتحرش الجنسى ... لا للعنف ضد المرأة ... لا لقمع المرأة

البنت :فى حيوان اتحرش بيا ...
الأهل : طب الحمدلله انها جت على قد كدة
البنت : الحمدلله انه اتحرش بيا؟!
الاهل : ايوة يعنى الحمدلله انه ماغتصبكيش
البنت : وان حد يلمس جزء من من جسمى من غير رضايا دة مش اسمة اغتصاب ... انا تعبانة نفسيآ ... انا هاروح ابلغ ...
الأهل :لأ طبعآ تبلغى إزاى انتى عايزة تفضحينا وتفضحى نفسك ... البنت : افضح نفسى! ... إزاى يعنى؟! ... انا مش غلطانة
اصل لبسك ملفت ... اصل ضحكتك لفتت نظرة ... اصل مشيتك مش مزبوطة ... اصل الجواز صعب والشباب تعبان ... اصلك مش مغطية شعرك ... اصل ... اصل ... إلخ وتبدأ حملة تبرير التحرش وللأسف احيانآ من الأهل ... وكأن المتحرش ليه الحق يلمس البنت لأى سبب
وكأن كلمة " أى " غير مسموح بها او محرمة للبنت
لا للتحرش الجنسى ... لا للعنف ضد المرأة ... لا لقمع المرأة