.jpg)
ده مكتبه عشان نزل بيها واكييييييييييييييييد مش فى مصر :)
انا بعتبر حكايتى مأسويه بس عاديه جدا لانى عايشه فى مصر ،رحت المكتبه
العامة"مبارك سابقا" الى بالجيزه واخدت معى الاب توب قولت اشتغل عليه
هناك !! عادى بقي ده مكتبه فجأت بأحد العاملين جيه فوق راسي وقالى: على فكره
ماينفعش تستخدميه هنا الاب توب !
رديت عليه : نعم ...ازى يعنى وليه؟
قالي :خلاص برحتك بس لو شحنه فضي ماتشحنهوش من اى كهربا من عندنا ..كفايه
اننا سمحنالك انك تخشي بيه هنا !
طبعا انا بصتله وفضلت متنحه وقولتله شكرا على الخدمه الزباله ولميت حجتى
وقمت .
J
J
استنوا ده التقيل جى ورا.....
J
الان انا على باب مكتبة كليتى المبجله التابعه لجامعه القاهرة ...
اربع ارشنات قعدين على شمالى ونا دخله وداده اه والله داده قعده على اول ترابيزه
فى وش الباب جنب دفاتر كتابه اسماء الى داخل والى خارج ويحقلها تتنك عليكى كانها
رئيسه جمهوريه وتتردك لو حبت كمان J
استنوا بقي...
دخله بالاب توب معى وبالكاميرا الخاصه بيه المفروض لانى هاعمل بحث –الى ديما
بنتهزء عليه لانه مش بحث J – للكليه
!
احدى الارشنات :انتى هاتستخدمى الاب ولا ايه لالالالالا ماينفعش هنا يا
حبيبتى ده مايتفتحش هنا؟!
انا: اشمعنى مابتكشف على حريم ولا ايه ؟! يا استاذه انا بعمل بحث ومش معقول
هافضل اصور فى ورق ولا اكتب على ايدى وارجع اجمع تانى على الاب طب ماجمع على طول
على الاب .
الارشانه المبجله : هو النظام كده !
طبعا ببلضم عليكى وعلى ام الي جيبك على البلد على الكليه والى فيها .
انا:طب يا مدام والحل الان؟!
الارشانه: تصوري الورق .
انا :ماشي...
ومسكت الكاميرا بتاعتى بعد ما شفت الكتب الى عوزها وبدأت اصور الصفحات
ويادهيه دوقى بقي التصوير ممنوع ايه ده لالا ماينفعش كده صورى ورق!
طبعا انا لو مكنتش مشيت من قدمها كنت احتمال ارتكب جنايه ونا وقفه او اقلب
شبه سواقين الميكروباص ..
ورديت عليها يعنى ولا رحمين ولا سيبن رحمه ربنا تنزل حسبي الله ونعم الوكيل
انا هاشتكيكم !
ردت بكل برود :اعلى مافيلك اركبيه .
قولتلها :شكرا يا مدام يا محترمه !!!! "والمقصود بهزئها بالادب ده لو
بتحس".
وفى مره أخرى كنت ديما فى سنه اولى وتانيه جامعه بحب اقضى كل وقتى فى
الجامعه بالمكتبه المركزيه اعض اذكر فيها واقرأ كتاب واستخدم الكهربا برحتى واشغل
النت واعيش نفسي جو المكتبات المحترمه ،جت الاجازه رحت فى بدايه سنه تالته من
البوابه تحت لالالا ريحه فين مفيش مذاكره هاتخشي تتطلعى ادفعى رسوم 5جنيه
هاااااااااااارسود يعنى لو دخلت الجامعه 30 مره بالشهر ادفع بس 150جنيه ده غير ذل
الكلاب والطبرور الطويل العريض عشان اصور ورقتين !!
طب منا اشترى كتب كل شويه فى جميع المجلات واحطها فى مكتبتى الصغنونه
حبيبتى المتربيه على الغالى !
اروح الهيئه العامه للكتاب المركز الرئيسي-دار الكتب- طلعت لازم اسيب
البطاقه الشخصيه رهن عندهم لحسن اهرب منهم فى المبنى الظاهر!
واطلع فوق واخش اول قاعه يا نهار اسود على الريحه وربنا دخت ،رحيه عرق بشر
معفنه مع كتمه المكتبه وكتب معتقه ماببتهواش وقال ايه مشغلين مروحتين بالصلى على
النبى كده .
اقول معلش يا بت لجل الورد ينسقى العليق !
وابدأ اعض على المفروض جهاز كمبيوتر ههههههههههههههههههههههه الشاشه مش
شايفه فيها ودغمشه من ايام سدنا نوح جهاز بيشتغل عن طريق الضرب او لو اتريقت عليه
زى مانا عملت هايصدرلك الطرشه وش وهايقف ويبوظ.
اخدت نفس عميق وبدأت ابحث بعد كل العذاب والحر والقرف والريحه المقرفه ونا
هاموت .
اه بقه نسيت اقولكم بعد ماخدوا البطاقه بتاعتى تحت وطلعت المبنى ..قبلنى
شخص غريب الاطوار طلب متعلقتى الشخصيه احطها فى دولاب غريب كده بصراحه قلت منه قولتله
اوك بس بشرط هاخد المهم منها اخدت محفظتى والاب توب والكاميرا لقيته بصلى شزرا كده
وقلى بقولك ايه الكاميرا ده ماتتفتحش جوه ولو حصل هانتردك من هنا اه بالنص كده
قولتله ياراجل براحه على نفسك ليطقلك عرق ..ماشي يا عم!
ودخلت المقبره يييييييه اقصد القاعه وابحث على الجاهز المهكع وبعدين حبينا
نصور استنى بقى لما تتزل ذل السنين عقبال ماتصور الورق الى انت عوزه تكون فطست.
فكرت اروح اشترى كالعاده كتب زى مابعمل ايه ده يا جدع اخش مدبولى ولا
الشروق ولا المكتبه اللبنانيه ولا غيرهم اتقهر واطلع سعر الكتاب فلكى 60جنيه
وبعدين انا طلبه ومصروفى كام اى نعم بشتغل بس برده محصلتى الشهريه كام اف اف اف اف
.
اتكدر واروح على كتب مكتبه الاسره اه بتاعه ماما سوزى عرفنها بالهيئه
المصريه للكتاب او اشوف الكتب الى نزل عليها خصم واشريها اقول يمكن احتاجها واسالى
واقراها وبعد ماخرج منها اكتشف انى صرفت 150جنيه J
اروح على سور الازبكيه ... بيستهبلونى ويفتكرونى مش من هنا ... وانى من
هناك .
واحد قال عوز يبعلى قاموس 30 جنيه قديم قولتله ولاه انت اهبل يلاه اذا كان
الجديد منه 35جنيه وخد من ده كتييييييييييير الا ما رحم ربي.
J
عارفه حسستكم باليأس بس فى نظره امال وحده
حيث انى جربت مكاتب كتير اوى .
كان انضفهم مكتبه الاسكندريه الى بفكر اسفر عشان اعض فيها شويه وربنا يكرم
عملها ومايقفلوهاش من كتر الاعتصامات!
ومكتبه أ بكل فروعها وده عباره عن مكتبه بتبيع نسخ الكتب لعده دور نشر
وفيها شئ جميل اوى يمكن اول مره يكون فى مصر ركن" الاريكه" ده تعض فيه
على اضاءه جميله وشغل اربيسك ممزوج مع الفن الاسلامى على حبه نظام اندلسى ...
وتسمع موسيقي اندلسيه ولما يغيروا تكون كلاسك او الجميله سعاد ماسي "مغنيه
جزائريه" انصح اصحاب الودان النضيفه انهم يسمعوها لو مايعرفهاش ،بالاضافه
لكافيه برده بالمكتبه اه والله سبحان الله عشان اشرب قهوه او اى شئ ونا بقرأ عشان
اكون مستمتعه وبستخدم لابى "بيكى" كمان بالكهرباء عندهم اى نعم مش
بيخلونى اشغل الوير لس عشان النت استخدمه من عندهم بس بستخدم اليو اس بي طبعا فى
ناس بقولى الان انتى هاتنهبي دانتى متكحرته فوق احمدى ربنا!
وكمان لجأت لكتب النت ... وبنزلها وبقرأها بس فعلا بتشل منها وعيونى بتتحول
ونظرى قل جدا ومش بكون مستمتعه زى مسكتى للكتاب واقرأه خصوصا لو كتاب شدنى وجبرنى
ماسبوش الا لما اخلصه وده نادرا Lللاسف .
وفى النهايه احب اقول لكل ارشانه وكل بقره قائم على مكتبه انت عار على
البشريه واعض فى بيت اكرملك واكرملى وبجد بجد بقررررررررررررررررررره
قرفتونا فى عشتنا .... ارحموا من فى الارض يرحمكم من فى السماء.
ليست هناك تعليقات:
إرسال تعليق