أغلب مشاكل مصر أصلها طبقى .. أغنياء وفقراء .. أولاد ذوات وأولاد عبيد .. اذكركم بطريقة التعامل مع اولاد الذوات لما بتحصل معاهم ازمة .. فاكرين لما ابنة النائب عفت السادات اتخطفت من شهور حصل ايه ؟
لو نكسة 67 طفل كانت حصلت مع اتوبيس مدرسة بريطانية فى التجمع الخامس ..
تفتكروا كانت التعويضات هتبقى كام ؟ تفتكروا كان هيظهرلنا صورة لطفل على سرير مستشفى فيها المخدة قذرة وبلا كسوة ؟
تفتكروا كان هيبقى فى عجز فى الادوية فى المستشفى دى ؟
تفتكروا كان اهالى المصابين والضحايا .. هيعاملوا على باب المستشفى بطريقة فيها احتقار او قلة أدب ؟
تفتكروا كان الرئيس هيكتفى بانه يصدر بيان تافه من مكتبه بالقصر ويبعت رئيس الوزراء يشوفهم ؟
تفتكروا السواق اللى كان هيسوق بيهم مكانش هيبص قبل ما يعدى الشريط ؟
تفتكروا المحافظ الاخوانجى اللى مسئول عن المحافظة اللى فيها الحدث كان هيفضل قاعد على كرسيه .. اللى لا يملك اى من مؤهلات الجلوس عليه من ناحية خبرة ادارية فعلية ؟
لغاية امتى هيفضل فى اولاد ذوات أولاد عبيد ؟
ليست هناك تعليقات:
إرسال تعليق