كنت لابس تيشرت احمر ورايح بورسعيد
رجعت وكفنى ابيض وفى بلدى بقيت شهيد
هو ده ماتش كورة ولا الثورة رجعت من جديد
ليه اتقتل وانا امى وابويا بيدعولي
فى البيت قلقانين مستنيين لحظة رجوعي
و لما امي عرفت خبر وفاتي ..
من البكاء انهارت و قلبها من الحزن انفطر
و بكت عليا السماء و الشجر .. حتى الحجر
كان نفسي اتجوز و افرحك ياما بولادي
اربيهم واكبرهم على حب ارضي وبلادي
لكن الخونة استحلوا دمي في عز شبابي
و نزلت عليا دموع اهلي و اخواتي وصحابي
يا اهل بلدي .. خلاص هتسيبوا دمي يضيع
ولا هتاخدوا بتاري من كل خاين باع البلد بيع
دي رسالة قالها يوسف .. من آلاف السنين
و نزلت في القرآن .. ادخلوها آمنين
و قالها الرسول عننا .. في رباط ليوم الدين
و كتبها التاريخ عننا .. تحت لواء صلاح الدين
هزمنا كل عدو .. تتار ، يهود و صليبيين
ازاي بعد ده كله .. نعيش في رعب و ألم و أنين
ليست هناك تعليقات:
إرسال تعليق