ينتظر الشعب المصري نتائج الانتخابات الرئاسيه على أحر من الجمر ومؤشراتها حتى الان تثير جدالا واسعا على مواقع التواصل الاجتماعى حيث تداول نشطاء الفيسبوك صور لمرشح الرئاسية أحمد شفيق مكتوب عليها "هو مبارك كان بيزور الانتخابات ليه ماالشعب زى الفل اهوه"،وأخرى كاريكاتوريه لسعد زغلول وجملته الشهيره "مافيش فايدة"،وبعض التعليقات الغاضبه من الشعب" الغريبة إن الشعب اللى بقاله سنة شغال تقطيع فى فروة الإخوان .. هو نفس الشعب اللى دلوقتى شغال تمجيد فى مواقف الإخوان أيام الثورة .. عندما انحصر الاختيار بين "العسكر أو الإخوان" !! احنا شعب عايز يتفجّر وربنا ،و" حلم الثوره مطلعش حلم ده كان وهم أكبر من اى وهم خسرنا بس من دمانا وايه فاضل من حلمنا الا شويه شعارات لرئيس حياته كلها حوارت كدب وغش ونصب ونهب واحد بيسلم واحد واهو عهد بينهم وعلينا ماشى ومن مبارك لشفيق كانك ياثوره لاروحتى ولا جيتى".
وقد جاءت بعض التعليقات راضيه بالأمر الواقع مثل"هى دى الديمقراطية, لازم نحترم الصناديق أيا كانت, حتى لو مش على هوانا. خلص الكلام. جزرة وقطمها جحش على رأى مكى" ،وعلى غرار ذلك جاءت بعض التعليقات الثوريه الحماسية "انتوا كنتوا بترددوا شعارات مانتوش فاهمين معناها تذكروا ما معني : ما تعبناش ما تعبناش الحرية مش ببلاش , ما معني ثورة ثورة في كل مكان ضد العسكر والاخوان , تذكروا الثورة اتولدت فكرة ولا يمكن تموت , انتوا ايه كنتوا بتطأوا حنك وعاملين نفسكوا ثوريين ؟؟"
وعلى صعيد أخر علقت أكبر الصفحات أعداد على الفيسبوك مثل صفحة باسم يوسف البالغ عددها 77,802 " لو خدها د. محمد مرسى .. هيبقى بعد 4 سنين فيه رئيس جديد منتخب ويكون من خارج جماعه الاخوان المسلمين ..؟؟"،وصفحة كارلوس لاتوف البالغ عددها 97,760 " الاعادة ممكن تكون بين تلاته حسب تصريحات بجاتو و عشان نضغظ على اجبارهم بدخول مرشح الثورة حمدين صباحي للاعادة بعد نتائجة المبهرة دي خصوصا ان الفرق بينه و بين شفيق مش كبير يبقى لازم يوم اعلان النتيجة نكون في التحرير و اي كلب اخواني يقولك نسيب الميدان ياخد بالجزمة .... شفيق قتل الثوار و مرسي خان الثورة الاتنين ولااحد وبلاش غباء بقى"،بينما جاء تعليق صفحة كلنا خالد سعيد البالغ عددها 2,116,315 " إحنا نفَسْنا أطول حتى لو اتكعبلْنا مرة، أو اتنين أو تلاته، مُتفائلين حتى لو كات الطريق صعب، إحنا أقوى بتضحيات حصلت عشان نكمّل طريقنا لبلدنا كلنا، مهمّ نبدأ نقدْ للي عملناه ونحاول نصلّح من نفسنا ومن شغلنا، لو بدأنا أوّل نقد، هيكون للمرشحين المحسوبين على الثورة، الّي بتفرقهم تفتت أصوات كتيير.. هنسأل نفسنا ألف سؤال قبل ما نلوم إختيارات ناس (تقريبا 30%) راحت لمرشحين بيمثلّوا النظام القديم، الزمن مبيرجعشي لورا أبدا، لا الزمن ولا شغلنا هيرجع بينا أيّام عشان نصلّحه ونعدّل منه، اﻷهم المستقبل، نشتغل عشان نبني بلد تسع الجميع، الإختلاف فيها ضرورة والمنافسة أساس، والكسبان له من الجميع كل اﻹحترام.. صباح التفاؤل والخير واﻷمل والعزيمة، واﻹتحاد قوّة (متسوش!)"
كان تعليق المخرج عمرو سلامه على صفحته على الفيسبوك"الشيء الوحيد الإيجابي في إختيارات الشعب المصري وتخلينا مانلوموش أول واحد إن لو كان في مرشح ثورة واحد كان زمانه مكتسح الإخوان والفلول. لو بقى" بينما علق رامى جلال عامر "صباح الخير على الجميع.. كابتن "رامى جلال عامر" يحييكم, ويرحب بكم في بلدكم الثانى......."رومانيا".
أضغط هنا
ليست هناك تعليقات:
إرسال تعليق