"""البلد مع مبارك ، . مبارك باصاها لعمر سليمان ، . سليمان لشفيق ، . مزنوقة مع ش...فيق ، . يرجعها لسليمان تاني ، . سليمان معرفش يتصرف ،. . رجعها لمبارك تاني ، . مبارك أرضية للمجلس العسكري ، . العسكري ماشي بالبلد ، . ماشي بالبلد ، . يقطعها الثوار ، لكن شفيق يعرقل الثوار بغباوة ، الحكم مش هنا ، . شفيق تاني ، . يتلخم فيها ، يشوطها بره ويطلع وراها .
أوت صايد ، يديها الحرية والعدالة للنور ، النور يمشي بيها ، لكن المجلس العسكري يعرقل السلفيين ، . . الحكم مطنش ، . ياخدها يحيى الجمل ، الثوار ماسكه ، يرفعها الجمل لعصام شرف ، للعسكري ، للسلمي ، وأوبا الجنزوري يظهر ، . جميلة بينية على صدر الجنزوري ، يعدي من الثوار ، . ويرفعها ورا خط الاخوان ، . . عمرو موسى يظهر ، لكن اوفسايد على عمرو موسى ، . عبد المعز بيقول مفيهاش حاجة ، . لكن يظهر حازم ، يخطفها حازم من عمرو ، يعدي من شفيق ، الشاطر بيقول له : باصي ، لكن حازم متقدم ، يعدي من حمدين ، ومن ايمن نور ، حازم هو والجون ، هو والجون يباصيها للشاطر وان تو لحازم تاني، أوبااااا ، المجلس يقص حازم ، عرقلة غبية ، لكن حامل الراية يقول فاول لحازم ... والحكم يعمل مش واخد باله ويقول فاول على حازم ، وكارت أحمر لحازم ، اعتراض من الشاطر على قرار الحكم ... أوباااااا وكارت أصفر للشاطر ، الحكم في ورطة ، ويضطر يرفع الكارت الأحمر لسليمان !
خرج حازم وسليمان ، وشايف محمد مرسي بيسخن وياترى هينزل مكان الشاطر ولا مين ... بالفعل .. يخرج الشاطر وينزل محمد مرسي ... والفاول يرفعه العسكري فووووووووووووووووووووووق ، يستلمها شفيق على صدره ، يحاول يقطعها أبو الفتوح، لكن شفيق يعدي ... يحاول حمدين ... لكن شفيق يعدي ... يحاول مرسي يقطعها .. يعدي شفيق لكن يتكعبل شفيق يقع ... يقوم تاني .. يتكعبل تاني يقومه الحكم .... يباصي لموسى هات وخد .. شفيق متقدم .. متقدم .... يعدي .. شفيق عايز يشوط ، هيشوط ، هيشوووووووط ، مش ممكن ، الجمهور كله نزل الملعب ، وطبق في زمارة الحكم وفي زمارة شفيق، ورماه بره الملعب ، . . هو والعسكري ، . . واتلغى الماتش . .
والهتافات من كل الموجودين : ارحل يعني امشي ، يللي مبتفهمشي
ليست هناك تعليقات:
إرسال تعليق