مظاهرات فى كل شوارع
مصر بعد صدور الحكم على مبارك ملحوظه بس ، يا جماعه انتم مجانيين لما هشام طلعت
اخد اعدام وبعدها بلاستئناف اخد 15 سنه كان قضي نصفهم،ولما الشناوى نكون مصورينه
فديو وصور -موجود عليها التاريخ والوقت -وهو بيقتل ويطلع انه كان فى راحه ،ولما كل
الى متهمين بنفس قضه مبارك يخدوا برأه يبقي هو حتى الحكم ده هاينفذ عليه
لالالالالالالالالالالالا طبعا والثوره فتوشوب واحنا الى اكلنا الجبنه وشفيق
هايمسك واحنا هايعتقلونا :) والى مش عجبهينتحر وعلى المتضرر اللجوء للقضاء الى
هايوضح انك انت الغلطان حتى لو معاك حق اصل مطلابه الحق فن وهندسه وساسيه
......... الله يرحم الشهداء ارتاحوا احنا بقي لسه وكلنا فعلا هانكون خالد سعيد
محدش يقلق خالص.
عارفين الى كان يتعمل ايه ؟!!!
اننا نعترف ان ده ثوره وكان لازم يتعمل مجلس
انتقالى وكل الطقم كاملا يتحول لمحكمات ثوريه وكنا نضم القضاه الثورين معنا يحكموا
ويتعمل احكام من خلالها نطبقها عليهم ، والمجلس العسكري الموقر كان يتعزل كل الى
ضد الثوره ويمسك كل القيادات ناس مؤمنين بالثوره والتغير فعلا ،كنا لازم نفضل
متوحدين فى الصفوف الساسيه ومحدش يجري يأخد حته أكبرمن التورته قبل التانى ،كنا نفضل
ايد وحده ،شفيق نجح فى الاعاده وفى عز عنفوان الثوره عرفين ليه؟ّ!!! عشان فرق تسد
!! فرق تسد ! جميع الاعداء عرفوا ان المبدأ ده هايل فى نتايجه مع العرب كلهم
بيستخدموه معنا من سنين سواء فى شئون داخليه او خارجيه ،واحنا فى الطراوه ماشيه
تبع سياسيه القطيع محدش بيفكر ولا عوز يفكر ،ولما يظهر حد بيفكر ليتم هدمه او
تلفيق تهمه له او السفر للخارج .
الطرف الثالث هو احنا بتفكرينا بنظمنا الى
بنمشي عليه احنا ،لو كنا ادركنا اننا فى ثوره وان لازم نتوحد مكنش كل ده حصل !!
ونا اتوقع حرب اهليه بين المصريين وبعضهم بعد كل الى حصل ده ولسه هايحصل اكتر،
ده غير البلد الوضع احرج من الحرج!
الحــــــــــــــــــــــــــــــــــــــــــــــــــل فى الـــــــتــــــــــــوحــــــــــــــــــــــــــــــــــــــــــــــــد
ليست هناك تعليقات:
إرسال تعليق