-يعنى جيش دولة كامل بطيراته بعربياته يسيب مبنى يولع يومين مع انه لما سفينة ولعت فى عرض البحر فى مياه دولية مش تبعه طفاها فى كام ساعة
-يعنى مجلس عنده مخابرات حربية و عامة و رئاسة جمهورية و داخلية بظباطها بأمناء الشرطة بتوعهم و لسة بيقولوا فيه عنصر تالت مش عارفينه بيشعل الفتنة
... ... ...
-يعنى لما نشوف نفس المشهد فى التحرير و العباسية و ماسبيرو و محمد محمود و مجلس الوزراء كانك بتتفرج على نفس الفيلم اكتر من مرة و تتفرج على نفس التصريحات اكتر من مرة بردو
-يعنى محجبة تتهان و تتعرى فى قلب ميدان و يطلع لك تصريح من ناس شعارها الاسلام بتقول وايه اللي خلاها متلبسش هدوم تحت العبايه.
-يعنى يكون فيه فيديو لواحد ماشى مع مراته او بنته ماشى على الرصيف فى حاله لا بيتظاهر و لا بيعتصم يتضرب بالجزم و يطلع متحدث رسمى يقول احنا مضربناش حد
-يعنى لما الناس تشوف الراجل ده الى اتضرب مع الست الى معاه بدون اى ذنب غير سيره فى الشارع يقولوا هو ايه الى وداه هناك اصلا؟
-يعنى يموت 14 بنى ادم فى يوم واحد و تفتح التلفزيون تلاقيهم زعلانين على كتب اتحرقت و هما عايشين فى شعب نصه تقريبا مش بيقرأ
-يعنى بعد كل الضرب و الأهانة دول التلفزيون المصرى يجيب صور لبلطجية فى الشوارع امال الى اتسحلوا دول يطلعوا مين؟
-يعنى ثورة عمرها 11 شهر و كل الى اتحكم عليه هو امين شرطة و اتحكم عليه غيابى و طلع هربان فى الأخر
من إحدى التعليقات على صفحات الفيسبوك
ليست هناك تعليقات:
إرسال تعليق