هاحلكم حكايه وده مش خيال بل واقع
أليم ،انهارده كنت ركبه المترو وكان زحمه وقرف كالعاده واشي بياع بنس رايح واشي
بتاعه توك جيه وجو حر ايه وروايح مفحفه ايه وسط صراخ أطفال مع كل ذلك ورغى ستات
يصدع الواحد "اكمنى كنت ركبه عربيه الستات"،وهنا بقي كان مشوارى طويل
هانزل بعد 9محطات ،ونا وقفه لقيت ست عجوزه عمرها تقريبا 65سنه وشها مكرمش ومنقوش
عليه تعب السنين ومر الزمن عليها ،كانت وقفه وبتتعجبه ازى وحدة ست شابه قعدة وسط
كل الزحمه ده ومقعده طفله صغيره على كورسي جنبها "وفضلت الست تقولها طب خديها
على رجلك عشان الناس التعبانه تقعد والناس الكبار فى السن"وكان الرد عليها
تعالى اعضي مش انتى بتعملى كده عشان تعضي وكات الست بتتكلم كانها بتمن عليها ،الست
العجوزه رفضت الجلوس وقلتلها انا ونا ست كبيره لو لقيت حد تعبان او وحده شيله
عيلها بقوم واقفلها وتعض هى .
وكل ده وسط مجموعه من البنات الى
قعدين عمرهم يتراوح بين 19الى 30 ونا عماله اتلفت حوليه اشوف ردود افعال الناس الى
حوليه ايه؟؟؟! للاسف لقيت طناااااااااااااااااااااش
وحاله تنفيييييييييض ولا كان شئ
حصل ،وفضلت الست وقفه برغم ان ليها مقاعد مخصصه لكبار السن وفضل التنفيض شغال ولما
اخدت خطوه واكلم الناس تقعدها ههههههههههههههههههههههههههه بصولى بستغراب شديد
وقلولى احنا تعبانين احنا كمان ،ومع احترامى لتعبهم ورد فعلهم هما قعدين فى
مقاعد"ذو الاحتياجات الخاص والى معاهم اطفال وكبار السن".
على الرغم ان اغلب العربيه كانت
محجبات يعنى المفروض مسلمات يعنى المفروض غيروين على دينهم يعنى المفروض على الاقل
فيهم شويه جدعنه من بتوع ولاد البلد يعنى المفروض عندهم دم......
وبعد كده نقول احنا غيورين على
دينا وإسلامنا وفداك ابى وامى يارسول الله .... هو ده دينا ؟!!
اعتقد ان الدين هو
المعامله وليس الشعارات ...وده مثال بسيط اوى بوضح بيه مدى انحطاط اخلاقنا ونخوتنا
وعدم فهمنا للدين صح "أفتؤمنون ببعض الكتاب
وتكفرون ببعض"؟!!! وبعتقد برده ان احنا اكتر ناس بنسئ للدين الإسلامى وليس
الغرب ونروج ونسوق الافكار السلبيه عننا .... وكلمى هنا بقصد بيه أحداث كتير تسئ
للاسلام اخرها الفديو المسئ للرسول ...وماقمنا بيه من فعل هو تغير صور بروفيلتنا
"لفداك إبى وامى يا رسول الله"،"أشهد أن لا اله الا الله"،ولما
البعض اخد خطوه راح تعدى على سفاره مكان دبلوماسي!
هو الاسلام بيدعو لكده...! والرسول كان بيدعو لهذه الاخلاق؟؟!! بعتقد برده ان
افضل شئ اننا نبدأ بنفسنا ونحسن نفوسنا من جوه الأول لان هو ده الحل لان"
الله لا يغير ما بقوم حتى يغيروا ما بأنفسهم".
ليست هناك تعليقات:
إرسال تعليق