مواطن ولكن!

طبعا أحنا دلوقتى بنمر بما يسمى الربيع العربي للثورات يعنى كل المواطنين بيقوموا
بثوره ضد الأوضاع الى بتهين كرامتهم كإنسان وكمواطن على ارض الدولة الى 
بيعيشعليها عشان كده حد يعرف حق المواطن ايه؟! طب تعرف هو واجبه ايه تجاه 


الوطن؟ّ! طب تعرف معنى كلمه مواطن ايه اصلا ولا جت منين؟!

تعالوا نحكى حكاية المواطن الي قامت عشانه الثورات لانه كان بينادى بحقوقه وحقوق وطنه :كان يامكان كان فى كلمه اسمها مواطنه وهى شعور الفرد بالأنتماء إلي مجتمعه وبيته وأسرته وماتخلهوش يحس انه مش منهم وأنه جزء وحاجه مهمه أوى معاهم ،وعشان نحس بكده بيكون فى بنا حجات مشتركه فى الثقافه والفكر والسياسه الي ماشين بيها وكمان فى الحاله الماديه لينا وغيرها ،وعشان تكون مواطن فعال لازم تشارك فى رفع مستوى مجتمعك  وده من خلال عملك فى موقعك كطالب أو طبيب أو مدرس أو سائق أو مهندس بالإضافة إلي الأعمال التطوعية الي ممكن تعملها وتساعد بيها مجتمعك.

وعشان من حق كل واحد فينا وفقا للمادة السابعة بالعهد الدولي الخاص بحقوق المدنية والسياسية  الي بينص على انه ماينفعشي بأى شكل من الأشكال إخضاع حد للتعذيب ولا للمعاملة أو العقوبة القاسية أو اللاإنسانية أو إهانه كرامة، و خصوصا ماينفعشي نعمل عليهم تجارب طبيه أو علميه من غير موافقة الشخص لانهم مش فران تجارب طبعا دول بشر ،وطبعا ده مابيحصلشي فى بعض البلدان فده بيعد  تعدى على حقوق المواطن وكمان تعدي على إنسانيته.

بالإضافه إلي أن الماده التاسعة  بتنص على أن  لكل فرد حق في الحرية وفى الأمان على نفسه،وماينفعشي نقبض على فرد أو نعتقاله بغير وجه حق ،ولا يجوز حرمان أحد من حريته إلا لأسباب ينص عليها القانون وطبقا للإجراء المقرر فيه.

ولازم  اى حد يقبض عليه يعرف هو مقبوض عليه ليه؟ وايه التهمه الموجه ليه ؟مش الياشا عوز كده !!، ويمكن  ان يقدم الموقوف أو المعتقل بتهمة جزائية سريعاإلى أحد القضاة أو أحد الموظفين المسؤولين قانونيا عن ذلك مباشرة وظائف قضائية، ويكون من حقه أن يحاكم خلال مهلة معقولة أو أن يفرج عنه يعنى لو حد قبض عليك لازم يقولك انت مقبوض عليك ليه وبتهمه ايه ؟!! وكمان لازم فى خلال وقت قصير يتم عرضك على قاضي أوالشخص المسوؤل عن كده أو تخرج من مكان احتجازك فورا.

وماينفعشي أن تكون القاعده العامة للأشخاص الي عليهم محاكمة هو احتجازهم لانه ممكن اللإفراج عنهم بكفاله تضمن حضورهم المحاكمة ،وكمان اى شخص حرم من حريته بالقبض عليه أو بإعتقاله من حقه يرجع للمحكمة عشان تفصل أن من حقه يفرج عنه ولا طبقا للقاوانين ،وتتم الإفراج عنه إذا كان إعتقاله كان غير قانونى ويمكنك فى الحاله ده الحصول على تعويض لان تم القبض عليك أو إعتقالك بشكل غير قانونى،يعنى مايجيش حد يقبض عليك ويعملك قاضيه وتطلع فى الأخر انك برئ منها بعد ماتروح محاكم وأقسام شرطه وتتبهدل وكل ده يعدى كده وخلاص لا والفلا هاترجع للمحكمة وترفع دعوة قضائية بالإضرار الي اصابتك ده من حقك زى ماكان من حقه القاضي يحكم عليكبالسجن لو عملت شئ ضد القانون .

وطبعا أحنا ماخلصناش حقوق ووجبات الموطن عشان كده أستنوا المقال الجى من سلسله مقالات مواطن ولكن!