فانوسي بشمعه ومش صينى !

فانوسي لرمضان 2012 من تصويري

"كان شهر رمضان بالنسبة للأطفال عبارة عن شمعة مشتعلة داخل فانوس، فانوس رمضان أحد المظاهر الشّعبيّة الأصلية في مجتمعنا. وهو أيضا واحد من الفنون الفلكلورية الّتي نالت اهتمام الفنّانين والدّارسين حتّى أن البعض قام بدراسة أكاديميّة لظهوره وتطوره وارتباطه بشهر الصّوم ثمّ تحويله إلى قطعة جميلة من الدّيكور العربي في الكثير من البيوت المصريّة الحديثة. وقد نوقشت أكثر من رسالة للماجستير والدّكتوراه عن تاريخ الفانوس الّذي ظلّ عبر العصور أحد مظاهر رمضان وجزءا لا يتجزأ من احتفالاته ولياليه." ده كانت مقدمة ويكيبيديا عن فانوس رمضان ووصفته زى ماقرئتم كده ،العجيب بقى ان الفانوس مابقاش صناعه مصريه ولا يحزنون لا والمصيبه كمان الصين الى بتصدره لينا وايه بقي على حسب الشخصيه المسيطره على ذهن الأطفال فى مجتمعنا اشى مره ماما نونه التى قامت بأدئها الفنانه كريمه مختار،والشخصيه الإعلانيه المشهوره المفتش كروبو ،وقبلهم كانت شخصيه ذكيه زكريا ،ووصلنا لشخصيه اسبونج بوب الكرتونيه الشهيره ولسه...!

عارفين أحنا بنعمل ايه فى ولادنا احنا بنمحى من ذكرتهم كل مايتعلق برضان وصرته الى كلنا اتربينا عليها وعشقنها من اغانى رمضان الشهيره "وحوى يا وحوى اياحه"،"اهو جه يا ولاد"،"وهاتوا الفوانيس يا ولاد" وغيرهم دلوقتى الفانوس بقى بالنسبه ليهم كالعبه عاديه جديدة بنجبهلهم على شكل الشخصيه الى هما حبنها طب وشكل فانوس رمضان أبو شمعه الجميل بتاع زمان؟!!!

طبعا الأطفال دلوقتى مش مقتنعين بشكله وتأخد أبنك ولا بنتك تشتروا فانوس رمضان يقولك البياع ده اجدد فانوس يا بيه والبت ولا الواد يشبطوا فيه يا ابنى يهديك يرضيك الفانوس التانى احسن واحلى شوف عامل ازى ابدا يصمم يأخد الى شكل الشخصيه الى بيحبها !!

طب والعمل دلوقتى يعنى كمان عشره ولا عشرين سنه هاينسوا شكل الفانوس  ابو شمعه ويبقى تراث وتروح للبيصنعوا الفوانيس ده تسألهم ليه مش بتعملوها كتير زى الأول يقولك يابيه محدش بقي يأخد الفوانيس ده كلهم عوزنها لبكهربا او على شكل الحجات الجديده الى طلعه اشي تفاحه اشي اسفنجه ،يعنى شكلنا كده بعد عشرين سنه مش هانلقى الفانوس ابو شمعه ده ،عشان كده انا صممت ان يكون فانوسي بتاع السنه ده بشمعه وكمان كل الاطفال الى حوليه هاخليهم يحبوا شكل الفنوس ده ،وانتم كمان اقنعوا اولادكم واخوتكم الصغيرين بإن الفانوس ده هو الافضل واعملهم جو رمضان الجميل سمعوهم وفرجوهم على أغانى زمان الجميله بتاعه رمضان وعلقوا معاهم زينا واشترلهم من الفونيس الى بشمعه وودوهم ورش تصنيع الفوانيس وفرجوهم على تراثنا الجميل ،وكل سنه وأنتم طيبين وخلى بيالكم من فنوس رمضان الجميل أبو شمعه J