أنا هاحكى عن فكره كانت بتجيلى اوقات كتير واتطورت لغيت مابقت تجربه حقيقيه ،فى الواقع هى مش اجابيه خالص كتير من الى هايقرأة التدوينه ده هايكفرنى وممكن حد يكون بيحس الى كنت بحس بيه ،كتير هايقولتى ده عدم تدين او اواو .....
مها يكن هى تجربه انا ماريت بيها وندمانه عليها ويمكن الى عملته ده فوقنى او بمعنى اصح شال الغشاوه الى على عينى ....
الى حصل انى كنت متخنقه مع احدا ما وفى نفس الوقت افتكرت كل شئ سئ حصلى بحياتى لدرجه انى كرهتها على الرغم انى شطره فى شغلى وعندى مواهب ومؤهلات عمليه وانجازات محدش بعمرى الان عملها او نادرا لما تلقي كده ،فلما اضيقت اوى وما لقتش حد يسمعنى حولت الانتحار عشان اتخلص من كل شئ فى لحظه كنت ديما لما بتجيلى الفكره ده كنت بفكر بمرضه السرطان الاطفال والقلب واللوكميا وغيرها من الامراض القاتله الى بيتمنوا الحياه وكنت بستحقر نفسي وبستضعفها اوى وكنت بقرر ماعملش كده لكن فى اللحظه ده للاسف نفذت!
طبعا ،انا معاكم الان فبالتأكيد حولوا ينقذونى ،عارفين كنت بجد لحظتها قبل ماعمل كده كنت عوزه كده ومعتقده انه ده الحل الوحيد ولما حسيت ان الموت خلاص بينى وبينه شعره اترعبت لانى عرفه ان ده حرام وجرم فادح وارعبت بجد اترعبت وبدئ شريط حياتى يمر قدام عيونى حسيت قد ايه انا بعمل كارثه وامى وكل الى بيحبونى كنت شيفهم مقهورين عليه ايوه كنت شيفهم وبيقولوا ربنا يرحمها خسرت دنيا واخر وبيعيطوا !
شفت كل متعلقاتى الشخصيه واضتى فاضيه حسيت بشئ غريب مش قدره اوصفه غير انى انهرت بالعياط ورحت على الحمام ارجع كل الى اخدته وحمدت ربنا ان مكنش فى اى شئ زى القطر او غيره حامى امامى كان الموضوع انتهى اسرع !
مانكرش فضل ربنا عليه انه يدينى فرصه تانيه عشان اصلح من نفسي ولا انكر فضل شخص شعر بيه فى الحظه ده وخلنى اتراجع ........
كل الى اتعلمته من الجربه المؤلمه ده "لا تدع شئ سلبي فى حياتك يؤثر على ملايين من الاجابيات فى حياتك".
وكمان قررت انه بحياتى مهما ضاقت عليه الحياه انى مش هاكرر الى حصل ده تانى
اوقات بيجى علينا لحظات كده سوداويه اوووى
ردحذفبنشوف كل حاجه فى حياتنا وحشه اوى واننا يمكن نكون اسوء حد فى الدنيا
مع ان ممكن يكون كل ده مش صح اساسا
بس هى بتبقى لحظات ضعف جوانا والشيطان بيسيطر فيها براحته
مبسوطه ان ربنا وقف جنبك فى موقف زى ده وانك الحمدالله دلوقتى معانا وبقيتى تبصى للدنيا بنظره مختلفه
دمتِ بخير يا لبنى :)